"Los cinco y el tesoro de la isla" e "Guárdate de los idus", libres

Chegan hoxe mesmo ao recuncho dos libros libres dous novos títulos: Guárdate de los idus, de Lola González e Los cinco y el tesoro de la isla, de Enid Blyton. Wikipedia e a tapa traseira da primeira novela citada cóntanos o seguinte sobre a súa trama:

 Roma, últimos días de la República. Druso y Porcia viven en casa de su tío, el senador Mario Dimitio. Pero una noticia cambia el rumbo de su existencia: César ha muerto, víctima de una conjura; la conspiración ha sido abortada y Mario Dimitio figura entre los conjurados. Antes que perder su dignidad, prefiere morir, y los dos sobrinos tienen que asistirle en el suicidio y huir de casa para escapar de la persecución. Además, Druso es depositario de un documento que no sabe lo que contine pero por el que hay alguien está dispuesto a matar. En adelante, los dos hermanos necesitarán toda su astucia y su coraje para sobrevivir en una atmósfera de cobardías, crímenes y traiciones.Para lograr escapar a Hispania (España en aquellos tiempos) con su madre.

Da noveliña de Enid Blyton fálanos a editorial Juventud, responsable da publicación do libro en España:

 Este es el primer libro del Club de los Cinco.Tres hermanos, Ana Dick y Julian, van de vacaciones a casa de sus tíos y allí conocen a su prima Jorgina. Es una chica solitaria que preferiría ser un chico y quiere que la llamen Jorge. Al principio a Jorge no le caen muy bien sus primos, pero más adelante se hacen muy amigos y se convierten en un grupo inseparable, acompañados siempre por Tim, el perro de Jorge, un inteligente compañero de aventuras.
La casa esta delante del mar y enfrente hay una isla con un antiguo castillo en ruinas. Un día los chicos descubren el mapa de un tesoro escondido...

Procedencia da imaxe

Procedencia da imaxe

O club de lectura bota a andar

Rogamos a todos os e as integrantes do club de lectura "María Casares", especialmente do nivel 1, que estean atentos a este blog e/ou aos taboeiros de cortiza (vulgarmente chamados "corchos") das escaleiras. En ámbolos dous sitios anunciamos xuntanzas e demais asuntos relacionados coas nosas actividades. E se non consultan ningún dos dous, logo non se enteran e pasa o que pasa, que se poñen dos nervios e vagan polo instituto buscando quen os apunte en tal lista, ou lles preste tal outro libro, ou lles tome nota do que queren ler, etc, etc, etc. Por exemplo, hoxe houbo varias ausencias á "ceremonia inaugural" das nosas xuntanzas para este curso e iso que levaba unha semana anunciada. Así e todo, os que fumos pasámolo ben e marchamos co noso libro contentos como cucos. E para que conste deixo aquí un feixiño de fotos.

"Catálogo oneroso de beleza gratuíta", de Fran Bueno, gaña o Premio Castelao de Banda Deseñada

Que Fran Bueno gañou o Premio Castelao de Banda Deseñada non é precisamente unha "primicia", pero xa sabedes que temos importantes limitacións de tempo no mantemento deste blog e por esa razón podemos tardar, ou incluso obviar, importantes novas que farían desta nosa humildísma bitácora un sitio un chisquiño máis atractivo e "ao día". Nós lemos isto hai xa uns días en Rede Lectura , a onde vos remitivos para ampliar información sobre Fran Bueno e a súa obra. E para que non vos perdades en rodeos, aquí tendes o link que vos levará dereitiños como fusos á nova que vos comentamos: Premio Castelao de Banda Deseñada.

Convócase o XV Premio "Gloria Fuertes" de Poesía Joven

 

Procedencia da imaxe

 Consultade no seguinte enlace as bases do concurso XV PREMIO "GLORIA FUERTES" 
DE POESÍA JOVEN (2014). E lembrade que na biblioteca estamos dispostas a vos botar unha man se en algún momento desconfiades do dictado das vosas musas particulares.


Vía: Biblioteca Virtual Miguel de Cervantes

Inspírate e concursa

A Facultade de Humanidades e Documentación da Universidade da Coruña comunicounos vía correo de toda a vida que teñen convocado un certame de relato curto e poesía no que pode participar alumnado de 4º da ESO e de 1º e 2º de bacharelato. Entregarán 5 premios para relatos curtos e outros 5 para poesía. O prazo de presentación de traballos remata o 6 de novembro de 2013. Os premios son os seguintes:

1º premio: 200 €

2º premio: 125 €

3º premio: 50 € (3 premios)

Bases

Calendario de reunións do club de lectura

Pipas, de Manuela Moreno

Susana, do CEIP Filomena Dato, mándanos nova deste simpatíquisimo vídeo da directora e guionista Manuela Moreno. Titúlase "Pipas", seguramente polas pipas que comen arreo as dúas protagonistas, e se cadra por algo máis que non anticipo porque non me acusedes de spoiler. O caso é que o tal vídeo xa tivo uns cantos premios e "nominacións", como corresponde a calquera metraxe, curta ou longa, que se precie. Dámoslle as grazas a Susana por esta magnífica suxestión que nos fixo pasar un divertidos tres minutos.

Corto PIPAS from Manuela Moreno on Vimeo.

O día 25 de outubro o club de lectura vai de festa

Rialeda dedícalle unha exposición a Manuel Álvarez Torneiro

 

Procedencia da imaxe

 

Xa sabedes (puxemos carteliños polos corredores e na porta da biblioteca) que ao poeta coruñés Manuel Álvarez Torneiro o Ministerio de Educación, Cultura y Deporte concedeulle hai uns días o Premio Nacional de Poesía 2013 pola súa obra "Os ángulos da brasa". Pois ben, o blog das bibliotecas municipais de Oleiros dedícalle un post a este autor, onde vos invitan a visitar unha exposición bibliográfica sobre a súa obra, instalada no espazo "Poesía ten o seu punto: exposición permanente de versos" no vestíbulo da Biblioteca Central Rialeda. Ademais o post contén interesantes links  que nos permiten afondar máis no coñecemento da obra e personalidade deste xa destacado poeta. Invítovos logo, eu tamén, a visitar a exposición e a ler no seguinte link o post do que vos acabo de falar:

Manuel Álvarez Torneiro, Premio Nacional de Poesía 2013: "Escribo contra o mundo e a favor da Vida. Como poeta, creo na utopía"

Habemus librum!

A participación na enquisa non foi o que se di masiva, pero abonda para mostrar por onde van os tiros. E os tiros apuntan nun oitenta por cento a La ciudad de las bestias, de Isabel Allende. Así que poñemos desde xa a funcionar os nosos contactos (léase "bibliotecas municipais de Oleiros") para conseguir os 15 exemplares que precisamos. Mentres non cheguen, imos enredar un pouco con este simpático vídeo que publicita unha suposta versión cinematográfica da famosa obra de Isabel Allende.

E para os e as impacientes, voici o primeiro capítulo de La ciudad de las bestias.

Vota e le

Atención clubistas lectores do María Casares: tendes cinco días de nada para votar polo libro con que queredes arrancar co club de lectura deste ano. Observade á dereita deste post as dúas enquisas que coloquei para cada un dos dous niveis que conforman o noso ilustre club, investigade os títulos, pensade un pouquiño cal vos gusta máis (pero non moito, que o tempo pasa pronto e teño que xuntar os exemplares que precisamos) e votade. O libro máis votado, nin que dicir ten, será a nosa primeira lectura deste curso que espero nos traia outras moitas e moi satisfactorias. E agora, veña, a votar. 

Procedencia da imaxe