30/1/09

Palabras pola paz



Noraboa a todas as bibliotecas e blogs que promoveron e levaron a bo fin este precioso traballo sobre a paz. Cópiovos a continuación o manifesto da súa "conspiración pola paz", á que nos unimos de todo corazón.

  • PAZ?????????????
  • PAZ: PAM!. Balas. Confusión, asasinatos, bombas.
  • PAZ: PAF!. Golpes. Cambadelas da vida cotiá. Rancor. Violencia.
  • PAZ: PAZZZZZZZZZZZZZZZZZZZZZZZZZZZZZ. Soño. Sono indiferente da irresponsabilidade.
  • Non é un xogo. É a fraxilidade da palabra. Espello fiel da inestabilidade do seu significado.
  • Utopía imposíbel.
  • Palabra que xera poesía.
  • Poesía? Poesía e Paz.
  • Esta é a nosa proposta: un mundo reinado pola esperanza das palabras, palabras sublimes que permiten melodías, risos, soños... PAZ.

    Xesto simbólico o das Bibliotecas Escolares, que novamente unen voces, azos e esperanzas. A través do mosaico que supón, por fin na nosa comunidade, a integración de diferentes cores, razas, linguas... chega a poesía capaz de expresar unha mesma arela. O frenesí da humanidade dominado pola forza da palabra. Unidos contra a ignominia da morte inxusta, das violacións das mulleres, da violencia extrema, da existencia dos nenos-soldado, da vinganza. Optamos polo silencio das palabras, da súa mudez. Porque a súa música festexe os días de coñecemento. Porque os aloumiños que desprenden estas balas sexan quen de recargar o porvir. Porque o nosos pentagramas debuxen as fusas non confusas da ilusión, do mañá cargado de bombas de papel. Papeis que falan de sorrisos, de amores, de xustizas. Papeis convertidos en poesía.

    Hoxe, o noso alumnado, dende esas diferenzas que os converten en iguais, transfórmanse en trasnos portadores de equidade. Dende o pasado poético ao presente sonoro, ao futuro harmonioso.

  • Tanques de algodón
  • Armas de caramelo
  • O noso soño
  • O noso desexo
  • A nosa conspiración.


O Segrel do Penedo. IES de Fene. Fene. A Coruña. `
Mesturas. IES Sánchez Cantón. Pontevedra.
Bibliobelesar. CEIP de Belesar. Belesar. Pontevedra.
Biblioandrade CEIP de Andrade. Pontedeume. A Coruña.
Bemilladoiro. Biblioteca do Ceip. Milladoiro. Malpica. A Coruña .
Biblioteca Olhos Grandes IES Nosa Señora dos Ollos Grandes . Lugo
Biblioteca do CEIP de Pazos. CEIP de Pazos. Ferrol. A Coruña.
Biblioteca do cole. CEIP Quintela de Moaña. Pontevedra .
Cadernos de Vide. Escola Unitaria de Vide. As Neves. Pontevedra.
Biblioteca Brea Segade. C.E.P. Xose Mª Brea Segade. Taragoña. Rianxo.
Biblioteca IES de Sanxenxo. Sanxenxo. Pontevedra.
Biblioteca IES R. O. do Uruguai. IES República O. do Uruguai. Vigo.
Biblioblogreboreda. Ceip Santo Paio de Abaixo, Reboreda. Pontevedra.
Biblioteca Colexio de Cervo. CEIP de Cervo. Lugo.
Bibliochispi. CEIP A Laxe-Marin. Pontevedra.
Trafegando ronseis

29/1/09

La elegancia del erizo


Esta obra se ha convertido en un éxito de ventas en nuestro país y no sin razón, ya que se trata de una historia muy original que te atrapa desde el primer momento. Está protagonizada por dos mujeres: una portera de mediana edad, de vida bastante anodina, pero muy inteligente y con una insaciable sed de conocimiento que intenta disimular, y una adolescente superdotada, con tendencias suicidas, que vive en un piso de la misma casa. Sus reflexiones y comentarios, ácidos y penetrantes, van alternándose a lo largo de la obra hasta que, ya avanzada la narración, irrumpe en la vida de las protagonistas un curioso personaje que va a establecer una relación muy especial con las dos, lo cual dará un nuevo sentido a sus vidas. La obra está llena de toques de humor y, a la vez, de referencias literarias, musicales y filosóficas, debido a la profunda curiosidad que estas mujeres tienen por los más diversos temas. La visión que se ofrece de las clases acomodadas es demoledora y la sensación de ser un bicho raro que experimentan las protagonistas está minuciosamente analizada. Un acontecimiento fortuito llevará a un desenlace imprevisto y tendrá repercusiones diametralmente opuestas para ellas.

28/1/09

O libro que vén


A revista Consumer presentou hai pouco unha infografía sobre lectores de libros electrónicos. Precisamente esta que vos deixo hoxe aquí por se tendes interese en botarlle unha ollada. Eu atrévome a aconsellarvos que o fagades porque, amig@s, os lectores de libros electrónicos son uns aparatiños que prometen. É máis, por algún sitio lin que o 2009 vai ser o ano da súa "consagración" definitiva. Terán éxito, xa o veredes. Sen ir máis lonxe, ¿imaxinádesvos o alivio que suporá substituír todos os pesados libros de texto cos que cargades a diario por un aparatiño que só pesa uns 300 gramos e no que podedes traer ademais dicionarios, enciclopedias, libros de lectura obrigatoria...?
Vía: Libros y bitios

27/1/09

¿De qué están hechos los sueños?


"Cualquier hombre es lo que ha vivido más lo que ha soñado. También, en nuestro tiempo, el cine o la televisión que ha visto. En el caso de algunos hombres, la vida, las lecturas no tienen, entre sí, fronteras definidas. Y hay quien es, sobre todo, y por encima de todo, los libros que ha leído. A menudo, esa es la materia de la que se nutren los sueños. Y no pocas vidas". Arturo Pérez Reverte

26/1/09

Devoción polos libros


Aquí vos presento un sitio de e para amantes dos libros. Chámase El Templo de las mil puertas, unha revista de libros escrita por xente nova para xente nova. Leva publicados sete números, todos en Internet, todos gratuítos e todos en dúas versións que podedes ler online ou descargar nos vosos ordenadores. Nesta revista hai auténticos tesouros para @s amantes dos libros: noticias, reseñas, entrevistas a escritor@s (Care Santos, Stephenie Meyer, Laura Gallego, entre outr@s) reportaxes, enquisas... Interesáronme especialmente dúas reportaxes: as tituladas “Los imprescindibles del 2008” e El bestseller juvenil”, aparecidas nos números 7 e 4 respectivamente. Interesante tamén o debate sobre “lecturas obrigatorias do número 7: parece que en xeral, e non sorprendentemente, preferides que vos deixen escoller os libros a que vos impoñan uns títulos determinados. Teremos que tomar nota, logo. Pois veña, amantes da letra impresa, facédelle unha visita ao “templo” desta xente tan apaixoada dos libros, tan traballadora e tan xenerosa. Ben o merecen.


25/1/09

Viaxe a Madrid 3

O venres, día 23, os nosos compañeiros, continuaron o seu periplo por Madrid, alleos ó temporal que nos deixou na casa. Pola mañá visitaron o "Museo del Prado", a pinacoteca europea máis visitada.

Dende hai uns días pode ser admirada por todos os internautas xa que Google Earth fixo un estudo milimétrico das grandes obras que podemos atopar no "Prado". Coa exactitude da cámara que retrata píxel a píxel cada centímetro das pinturas, podemos coñecer dende casa os detalles menos coñecidos dos cadros. O resultado pódese ver en internet previa descarga do programa, aínda que en youtube xa atopamos algunha mostra.

Ese mesmo día, pola tarde, voltaron ó Teatro María Guerrero, esta vez para ser espectadores de "El dúo de La Africana", unha obra que o Teatre Lluire representa en homenaxe á "zarzuela" do século XIX.

O sábado toca volver a Oleiros, así que hai que ir mentalizándose que o luns hai clase.

23/1/09

Un cómic para lembrar


La Voz de Galicia daba conta no seu número do mércores día 21 da presentación do cómic Compañeiros, de Xosé Tomás . Nárrase nel un episodio histórico: no Portiño, alá polo triste ano de 1937, 80 persoas (todas elas menores de 30 anos) intentan escapar por mar da represión franquista "que os mantiña escondidos en sotos, tellados ou bosques". E non vos conto máis: o portal culturagalega.org ofrécenos este cómic íntegro e gratis en versión pdf. Clicade e lede, se vos prace. Vale a pena.

Lector@s sen fronteiras, pero con pasaporte

Afortunadamente, ler non ten cancelas nin fronteiras, e para viaxar dun libro a outro non precisades máis que as vosas reais gañas . Unha vez dito isto, e para probar que os humanos somos animais contraditorios, paso a invitarvos a que saquedes o voso "pasaporte lector" canto antes. Que é iso? Pois un caderniño no que podedes incluír a relación de tódolos libros que leades, unha cita de cada un e un breve comentario. Alá polo mes de maio, faremos un pequeno concurso e ata repartiremos algún premio que outro entre aqueles que presenten un pasaporte máis lucido. Pasade logo pola biblioteca e recollede os vosos pasaportes, ou ben pedídellos á vosa profesora de lingua, cal queira que esta sexa (tanto a profesora como a lingua).

22/1/09

En ruta: viaxe a Madrid 2


Hoxe, xoves, os viaxeiros a Madrid teñen unha xornada completa: unha visita guiada ó Teatro María Guerrero, despois acudirán á Bolsa de Madrid. Pola tarde-noite, máis relaxados, completarán a xornada coa asistencia ó musical "A", de Nacho Cano (ex-Mecano), no Teatro Haagen-Dazs...

21/1/09

Ler corrompe (ou corrompía)


Leo no na páxina 31 do libro La lectura en España. Informe 2008 un artigo titulado "Los peligros del leer" sobre a condena que nos séculos XVIII e XIX sufriron os libros de esparexemento, eses aos que dedicamos casi enteiramente este blog. Os "expertos" daquel tempo consideraban a afección á lectura deste tipo de libros coma unha especie de enfermidade perigosa, entre outros motivos "porque asociaba a inmobilidade do corpo coa excitación da imaxinación". Claro, deixas a alguén só cun libro e éncheselle a cabeza de elfos, licántropos e vampiros enamorados...
Interesante, e ata ameno, este informe sobre a lectura.Tiven noticia da súa existencia a través do blog de José Antonio Millán Libros y bitios (un dos blogs en castelán máis visitados). O libro está a disposición de quen o queira na seguinte páxina web lalectura.es. Pódese descargar todo xunto ou por capítulos. Advírtovos que é un pequeno tochiño de 364 páxinas, demasiado extenso quizá para lelo na pantalla con comodidade. Claro que tamén podedes solicitar o libro impreso a unha dirección de correo que aparece no blog de José Antonio Millán. Nós esperamos telo dentro de pouco na biblioteca.

20/1/09

En ruta: viaxe a Madrid

Hoxe, ás 8:30, os alumnos de 2º de Bacharelato marchan a Madrid. 
Con eles van os profesores de Lingua Castelá e Literatura (David Sa, Marisa Ron e Pepa Vilariño). Esperamos que a neve non lles impida chegar a tempo para facer a visita prevista ó Madrid antigo.
Despois asistirán á representación de La comedia nueva o El café, una obra teatral de Moratín, de 1791, que dirixe o dramaturgo Ernesto Caballero, ó frente da Compañía Nacional de Teatro Clásico; será no Teatro Pavón.
O xoves continuarán as visitas culturais pero, xa falaremos...

19/1/09

En ruta: Trabzon, Turquía

Iniciamos unha nova sección: "En ruta". Como somos un instituto moi viaxeiro, queremos deixar constancia de todas as viaxes que imos facendo ao longo do curso.
A primeira do 2009 é moi exótica, enviamos como embaixador do "María Casares" a Fernando Domènech, profesor de Latín, de Oleiros a Trabzon (Trebson, Trebisonda, Trapisonda...), unha cidade costeira de Turquía, ao norte, no Mar Negro.
A viaxe ten un motivo profesional: un intercambio de experiencias con profesores de outros institutos que participan, coma nós, no programa "Comenius". Hai centros de Grecia, de Hungría, de Francia, de Alemania, de Italia e de Turquía (non, non é a Eurovisión)
Podemos seguir as novidades e incidencias desta viaxe nos próximos días, estade atentos!

Edgar Allan Poe, o escritor que nunca sorría


Ben seguro que hoxe a maioría dos biblioblogs publicaron ou van publicar unha entrada coma esta, dedicada a Edgar Allan Poe. E todo porque tal día coma hoxe, 19 de xaneiro, hai douscentos anos, nacía en Boston (Estados Unidos) este xenial escritor, creador dos relatos de terror e inspiración doutros moitos escritores. Amigo do macabro, din os seus biógrafo que “lle daba medo a escuridade, sempre vestía de negro e gustáballe pasear por cemiterios”. Sen dúbida , Edgar Allan Poe tivo unha vida complicada e unha morte estraña. Se queredes saber máis de ámbalas dúas, clicade no nome do escritor e Wikipedia poñeravos ao tanto. Ademais déixovos ao pé deste post dous links a sendos artigos sobre Poe aparecidos hai uns días na prensa.Comentan ambos, entre outras cousas, algúns dos actos que se celebrarán en conmemoración do bicentenario de Poe. Pero a min paréceme que o mellor é que vos saltedes todo iso e vaiades directamente a ler algún dos seus contos: hainos a patadas en Internet en galego, castelán, inglés e a saber en cantos idiomas máis. Por exemplo este: El gato negro ; ou este: O bocoi de amontillado. Se preferides, coma min, ler pasando as follas dun libro, na biblioteca temos uns cantos títulos de Poe. Pinchade, escollede e lede, se o tendes a ben.
Artigos: La Voz de Galicia
El Periódico de Catalunya

16/1/09

Por que ler?

Se precisas razóns para poñerte a ler, bota man das que che proporciona o xornalista Constantino Bértolo nun artigo titulado precisamente Razones para la lectura. A min non me entusiasma o texto de Bértolo: atópoo innecesariamente escuro e algo empalagoso de tan lírico. Pero como tantas outras veces, hai un montón de xente que non comparte os meus criterios estéticos. Por exemplo, a Fundación Germán Sánchez Ruipérez, que vén de premiar o traballo de Constantino Bertolo co Noveno Premio Periodístico sobre la Lectura. Invítovos a que leades o artigo (é breve) e deixedes aquí un comentario. Mirade o que di o banner da dereita: “Este blog aliméntase dos vosos comentarios”. Pois iso

A todo isto, a noticia que vos conto aquí vina no blog “Papel en blanco”. Xa sabedes, é ben dicir sempre de onde procede a información. A foto é de flickr

15/1/09

Literatura y vida

“La literatura no puede entenderse al margen de la vida, del amor a la vida. Los momentos más felices, las sensaciones más sugestivas, los sentimientos más conmovedores: todo eso está en los libros, permanentemente vivo, esperándonos, gracias al talento expresivo de los grandes creadores”.
Andrés Amorós

14/1/09

After Dark


After Dark 

Escoitamos "Go Away Little Girl" de Percy Faith no Denny's, é a unha da madrugada, Mari, estudante universitaria de 19 anos, está no bar pasando as horas. Le, fuma e bebe café. Ten decidido pasar así a noite ata que saia o primeiro tren da mañá para voltar a casa.
Haruki Murakami nos conduce pola noite de Tokio, vemos pasar xente solitaria, persoas conflictivas, misteriosas..., e asistimos como espectadores ás súas conversas nocturnas, cheas de confidencias pero sobre todo de silencios... Con Mari coñecemos a un músico de jazz que lle complicará bastante a noite, iremos ó Alphaville, un hotel por horas, sórdido e perigoso, e a outros bares onde soan outras músicas...
De fondo, a imaxe intrigante da irmá da protagonista, belísima durminte que decidiu non espertar...
Rara, a última novela de Haruki Murakami, que xa nos deixara en Tokio Blues as sinais do seu universo literario: Tokio, a noite, os bares, adolescentes con problemas de identidade, de relación, complicacións absurdas... É unha novela de imaxes e de banda sonora, parece escrita para cine ou videoclip. Anímate a ler algo diferente...

Máis letras galegas en Internet

A Biblioteca Virtual Miguel de Cervantes amplía os seus contidos. A partir de agora poderás atopar nela a sección "Biblioteca das letras galegas", dedicada, nin que dicir ten, a autor@s galeg@s, ou a algúns deles (xa sabes, os dereitos de autor e todo iso). Segundo afirma La Voz de Galicia, esta nova sección da Cervantes "nace con vocación de ser o portal do patrimonio literario galego". Non é o único sitio onde podes consultar, ler, escoitar ou descargar libros e documentos en galego e atrévome a dicir que tampouco o máis completo, polo menos de momento. Sen ir máis lonxe, a Biblioteca Virtual Galega, que ten un vínculo permanente neste blog, ofrece un catálogo máis extenso. De calquera xeito, terei que "navegar" o novo portal con máis calma antes de me precipitar a xulgalo. Para empezar, unha recomendación: os arquivos sonoros con poemas de Rosalía de Castro lidos por Marina Mayoral. Déixovos o link a un deles.

Fonte: La Voz de Galicia
A imaxe está sacada do portal da Biblioteca das Letras Galegas

12/1/09

"Crepúsculo", unha película de instituto

Os vampiros de Stephenie Meyer triunfan tamén no cine e polo visto van camiño de destronar a Harry Potter, o mago aquel que saltou con tanto éxito dos libros á pantalla seguido sempre por millóns de fans. Claro que estes vampiros da simpática Meyer son moi pouco convencionais: guapísimos, novísimos e con pinta de rockeiros. Dinos La Voz de Galicia de hoxe que a escritora apenas sabía nada destes personaxes da literatura de terror e que incluso descoñecía as claves de tal xénero literario. Aínda así, e despois dun soño "moi estrano", lanzouse a escribir e saíulle toda unha tetraloxía (Crepúsculo, Luna nueva, Eclipse e Amanecer) que está arrasando nas librerías e bibliotecas de moitas partes do mundo. Conste que eu souben da existencia desta escritora e da súa obra por un post que publicou Lara González, alumna deste instituto, no blog Tres Cuartos o 14 de xaneiro de 2008. Remítovos a el para que comprobedes con que entusiasmo animaba Lara a ler o primeiro libro da tetraloxía meyeriana. Déixovos tamén o tráiler da película, por xentileza de youtube, que ten ademais unha pila de arquivos sobre amores vampiros e adolescentes . La Voz de Galicia afirmaba que Crepúsculo era unha "película de instituto", logo encaixa ben neste blog, ou non?.

8/1/09


“…los malos libros son aquellos que nos dejan la cara y el estómago intactos. En general, venden más por eso mismo, pero no nos tiran a la lona. Cumbres borrascosas nos tira a la lona. Guerra y paz nos tira a la lona. Cualquier gran libro nos tira a la lona y le quedamos agradecidos por eso, puesto que vivimos a ras de tierra y no logramos levantarnos del suelo sin ayuda”.
Antonio Lobo Antunes
Fuente: Babelia

6/1/09

Os que levan o lume

La carretera” , última novela do escritor norteamericano Cormac McCarthy, gañou o Premio Pulitzer de 2007 e converteuse nun dos libros máis vendidos dese ano. Actualmente estase rodando unha película baseada na súa historia, de aí a fotografía que ilustra este artigo (sacada de flick, bendito sexa)

Encólleseche o corazón lendo este libro. Mirade como empeza: “Al despertar en el bosque en medio del frío y la oscuridad nocturnos había alargado la mano para tocar al niño que dormía a su lado”. Frío e escuridade proceden dun mundo inhóspito, devastado polo que parece ter sido un holocausto nuclear. Nada se move, todo está queimado e cuberto de cinza. Neste escenario transcorre a historia de dous superviventes, un pai e o seu fillo, que viaxan pola estrada cara o sur, buscando non se sabe ben qué. Levan consigo un carriño de supermercado con algo de comida e outros cacharros e unha pistola con dúas balas para se defender dos bandidos, poucos pero moi perigosos.

Os críticos celebran a “eficacia narrativa” deste libro. Supoño que se refiren á capacidade para conmover, que a ten en cantidade, e para contaxiar as sensacións e sentimentos dos protagonistas: frío, fame, medo, pero tamén certa esperanza e sobre todo, afecto.

Para rematar, advírtovos que “La carretera” contén escenas de gran violencia (os malos son moi, moi malos), pero están xustificadas: sérvennos para comprender o mérito dos protagonistas que no medio de tanta ruindade son capaces de manter vivos o amor e a compaixón”

3/1/09



"Literatura y aventura son dos hermosas palabras que riman"
Javier Reverte
Related Posts Plugin for WordPress, Blogger...